Kripa është shumë e rëndësishme për jetën e njerëzve në përgjithësi.

Është, në fakt, shija themelore dhe primare e njeriut.

Kripa është përdorur dhe konsumuar në gatim çdo ditë në të gjithë botën.

Megjithatë, shumë njerëz nuk i dinë përfitimet e saj në fushën e bukurisë.

Duke shtuar pak kripë në disa prej produkteve të kozmetikës, mund të bësh mrekulli për flokët dhe lëkurën…

 

Për flokët me yndyrë

Flokët me yndyrë janë si rezultat i gjëndrave yndyrore tepër aktive në lëkurën e kokës, të cilat prodhojnë shumë vaj.

Për fat të mirë, këtë problem mund ta zgjidhësh vetëm me pak kripë.

Gjithҫka që duhet të bësh është të shtosh 2 ose 3 lugë gjelle në shampon e zakonshme dhe laji flokët si gjithmonë.

Rezultatet do t’i vësh re qysh në përdorimet e para.

Flokët do të jenë të shëndetshëm dhe pa yndyrë.

 

Kundër zbokthit

Zbokthi në skalpin e kokës është një prej problemeve më të bezdisshme.

Kur lëkura e kokës krijon copa të vogla për shkak të qelizave të vdekura.

Kripa stimulon qarkullimin e gjakut në lëkurën e kokës, gjë që është shumë e rëndësishme për të pasur lëkurë të shëndetshme.

Ndaji flokët në seksione dhe me një sasi të vogël kripe, 1 ose 2 lugë gjelle, bëji masazh lëkurës së kokës për rreth 10 minuta (gishtat lagi me ujë më parë.)

Pastaj laji flokët si zakonisht.

 

Për rritjen e flokëve

Jo shumë njerëz e dinë që kripa ndikon edhe në rritjen e flokëve.

Nëse vuan nga rënia e flokëve, përdor kripën e detit si një suplement shtesë që të stimulon rritjen.

Thjesht laji flokët si normalisht.

Pastaj, masazhoje skalpin e lagur me kripë deti për 10 – 15 minuta dhe laji flokët përsëri.

Bëje këtë trajtim dy herë në javë për 2 muaj dhe rezultatet do të të surprizojnë.