Nëse kaloni pjesën më të madhe të ditës suaj të punës duke punuar në një kompjuter dhe pastaj i kaloni mbrëmjet në telefonin tuaj, dhimbja e qafës, shpinës dhe e krahëve mund të bëhet një problem i vazhdueshëm.

Një mënyrë jetese sedentare i bën shumë dëm shëndetit tuaj: muskujt tuaj mund të bëhen të ngurtë, mund të përjetoni mpirje dhe ndjesitë e shpimit mund të shfaqen rregullisht.

Ne kemi zgjedhur disa ushtrime të thjeshta që mund të lehtësojnë dhimbjen e qafës dhe ngurtësinë në qafë, shpinë dhe krahë.

Qafa dhe shpatullat

Duke punuar në një kompjuter ose duke i dhënë makinës në distanca të gjata shkakton tension në qafë dhe shpatulla. Rezultati – dhimbje në muskuj, ligamente dhe kocka dhe ky është një problem serioz.

Nervat e mbërthyera dhe enët e gjakut në qafë mund të shkaktojnë dëmtimin e shikimit ose dhimbje koke. Dhe këto probleme mund të shmangen vetëm duke bërë disa ushtrime të thjeshta.

Shtrirja e qafës dhe shpatullave. Përkuluni nga dera duke mbështetur njërën dorë, uleni kokën dhe përpiquni të arrini shpatullën tuaj me mjekrën tuaj, pastaj kthehuni në neutral.

Përsëriteni 10 herë. Mos u mundoni shumë: ju duhet të ndjeni një ngrohtësi të këndshme në muskujt. Pastaj, përsëriteni në krahun tjetër.

Lehtësimi i dhimbjes dhe tensionit. Mbështetuni në këmbë në një mur në mënyrë që pjesa e pasme e qafës tuaj të prekë muret dhe këmbët mbajini pak cm larg murit. Ulini supet, shtrini krahët në anët dhe bëni 10 ulje-ngritje. Krahët duhet të prekin murin gjatë këtij ushtrimi.

Kyçet

Pozicioni jo i duhur i tastierës, i mouse-it dhe zakoni i mbajtjes së një smartphone-i gjatë gjithë kohës mund të çojnë në mpirje dhe dhimbje të dorës.

Nëse i injoroni këto simptoma dhe këto ndjesi të pakëndshme, mund të përfundoni me sindromin e tunelit të kyçit të dorës. Por ka ushtrime që mund të bëni për të lehtësuar tensionin dhe për ta parandaluar këtë sëmundje para se të fillojë.

Kur jeni në zyrë. Do ju duhen 2 topa për duart dhe një zgjerues. Përdorni zgjeruesin dhe topat gjatë ditës së punës. Ky ushtrim do të ndihmojë kyçet tuaja të bëhet më e forta.

Ngrohja e kyçeve. Bëni 10 lëvizje rrumbullake të dorës, duke e mbajtur kyçin me dorën tjetër dhe krahun pa lëvizur. Përsëriteni ushtrimin në anën tjetër.

Shtrirja e gishtave. Filloni duke e lidhur gishtin tregues të dorës tuaj të djathtë me gishtin tregues të dorës tuaj të majtë dhe tërhiqni. Bëni të njëjtën gjë me të gjithë gishtat e të dy duarve.

Fundi i shpinës dhe të pasmet.

Dhimbja në pjesën e poshtme të shpinës dhe rëndesa e këmbëve nuk do të thotë që po plakeni. Ndoshta ju keni një mënyrë jetese sedentare dhe pa aktivitet fizik.

Duke qëndruar ulur për disa orë mund të çojë në dhimbje të nervit shiatik – një gjendje ku nervi shiatik, që qarkullon nga beli në këmbë, irritohet.

Mjekët thonë se një mënyrë jetese sedentare madje mund të çojë në zhvillimin e celulitit. Për të shmangur zhvillimin e një problemi serioz ose të një rezultat negativ kozmetik, ju mund të bëni stërvitje të thjeshta shtrirjeje.

Ato do të përmirësojnë qarkullimin tuaj të gjakut dhe do t’ju bëjnë të ndiheni të shëndetshëm dhe të bukur.

Ushtrime për në zyrë. Uluni në buzë të një karrige dhe shtrijeni njërën këmbë përpara. Ngadalë përkuleni trupin tuaj drejt këmbës. Mos e teproj: nuk duhet të ndiheni dhimbje apo tension. Përsëriteni 5-10 herë dhe bëni të njëjtin veprim dhe në anën tjetër.

Kjo stërvitje do t’ju ndihmojë të lehtësoni tensionin në pjesën e poshtme të shpinës dhe në të pasmet.

Ushtrim për në shtëpi. Shtrihuni në shpinë dhe vendosni një jastëk ose një batanije nën qafën tuaj. Përthyejeni gjurin e këmbës së djathtë dhe vendosni sipër tij kyçine këmbës së majtë.

Mbrthejini duart rreth pjesës së pasme të kofshës së djathtë dhe tërhiqni. Nëse nuk mund t’i vendosni duart rreth kofshës, përdorni një peshqir. Përpiquni të qëndroni në këtë pozicion për 20-30 sekonda. Bëni 2 përësrotje dhe pastaj përsëriteni me këmbën tjetër.

A keni dhimbje shpine? Tregoni se si ju përballeni me pasojat e të pasurit një mënyrë jetese sedentare.